నవ వర్ష కవితా గానం

2 జనవరి 2017 నాటి సాయంత్రం త్యాగరాయ గాన సభలో నూతనాంగ్ల సంవత్సర సందర్భంగా నిర్వహించిన కవి సమ్మేళనంలో నా కవితా గానం ..

– డా. ఆచార్య ఫణీంద్ర

img-20170102-wa0032

 

 

 

 

 

 

 

 

 

 

 

 

 

 

 

 

 

 

 

 

 

 

నవ వర్ష గ్రంథము
————————
రచన : డా. ఆచార్య ఫణీంద్ర
————————————–
మూడు వందల పై చిల్కు పుటలు గల్గు
పుస్తకమ్మును నేడింక మూసి వేసి,
క్రొత్త పుస్తకమ్మును జనుల్ కోరి తెరచు
సముచిత ముహూర్త మిప్పు డాసన్నమయ్యె!

ఒకొక పుటలోన నొక కల –
ఒకొకటి నెరవేరు – తీర కొకొకటి మిగులున్!
రకరకముల సుఖ దుఃఖాల్
చక చక రుచి జూపి సాగు సంవత్సరమే!

సాక్షిగ కాలమున్ నిలువ సాగిన దింకొక వత్సరంబు – నే
వీక్షణ జేయుచుండ నగుపించెను నూతన వత్సరంబు, తా
సాక్షిగ నిల్చె కాలము – “డిసంబరు ముప్పది యొక్క” టర్ధ రా
త్ర్యక్షర పాత్రమైన బహుళార్థక నూతన గ్రంథమిచ్చుచున్!

ఆశావహ దృక్పథమున
ఈశోపాసన సలిపెద నీ నవ గ్రంథం
బాశించిన రీతి లిఖిత
మై, సాగగ నవ్య వర్ష మానందముగాన్!

మిత్రులార! కొనుడు – మీ నవ వర్ష గ్రం
థమ్ములు వికసించి దాని పుటలు
సంతసమ్ముల నిడు సంపదలై నిల్వ –
అందజేయుదు నభినందనములు!

— @@@ —

img_20170102_222756

ప్రకటనలు

2 వ్యాఖ్యలు (+add yours?)

  1. వెంకట రాజారావు . లక్కాకుల
    జన 05, 2017 @ 12:32:41

    మూడు శతకాల పైచిల్కు పుటలు వ్రాసి
    యపర నవ వర్ష గ్రంథాన్ని యతిసుళువుగ
    గడుసుదనమొప్ప నందర కరము లందు
    ఈ ఫణీంద్ర మాష్టారు దీవించి పెట్టె .

    కరుణించి ప్రకృతి సకాల వర్షాలతో
    మెండుగా పంటలు పండుగాత !
    సిరి సంపదలతో శ్రీమంతులై జనుల్
    జీవన సౌఖ్యాల చేరువగుత !
    ఆరోగ్య సౌభాగ్య మందరి దరిజేరి
    ఆనంద పరవశు లగును గాత !
    దైవ చింతనతో ధార్మిక గార్హస్థ్య
    బాథ్యతాయుతములు ప్రబలు గాత !

    ప్రకృతి భీభత్సములు లేక , పాలక జన
    పాలనా పీడనలు , యుధ్ధ భయము లేక
    శాంతి చేకూరు గాత ప్రజలకు – మించి
    రెండు వేల పదేడు మేలెంచు గాత !

    స్పందించండి

  2. Dr.Acharya Phaneendra
    జన 06, 2017 @ 16:37:34

    Thank you Raja Rao garu.
    Wish you a very Happy New Year 2017.

    స్పందించండి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: