ఉగాది కవిత

ఏప్రిల్ 8వ తేది నాడు తెలంగాణ రాష్ట్ర ప్రభుత్వం “రవీంద్ర భారతి” లో నిర్వహించే “ఉగాది కవి సమ్మేళనం”లో పాల్గొనవలసిందిగా నాకు రాష్ట్ర సాంస్కృతిక శాఖ నుండి ఆహ్వానం అందింది. ఆనాడు నేను వినిపించబోయే నా కవితను ఆస్వాదించండి.

– డా. ఆచార్య ఫణీంద్ర 

ugadi-whasapp-messages

  • దుర్ముఖి ఉగాది కవిత :

* మావి చిగురు వౌచు, మధుమాస మీవౌచు,
కోయిలమ్మ తీపి కూత వౌచు,
క్రొత్త రాష్ట్రమందు క్రొత్త ఆశలు పూచు
తీవయై ఉగాది! రావె నీవు!

* దుర్ముఖమున్ ధరించి పలు దుష్టుల, త్రాష్టుల పాలి శత్రువై
చర్మము లూడదీసి, తగు శాస్తిని జేయుచు – సంఘమందునన్
ధర్మము పెంపు జేయుమమ! ధాత్రిని శాంతిని నింపుమమ్మ! ఓ
దుర్ముఖి నామ వత్సరమ! తోషము గూర్చుమ మానవాళికిన్!

* నీదు పేరును విన్నంత నిఖిల జనులు
కలత పడుచుండ్రి తెత్తువో కష్టములని!
కాని దుర్ముఖివై లోక కంటకులను,
సుముఖివై సజ్జనాళిని చూడుమమ్మ!

* ఎప్పుడు సంపద నిల్పుము!
ఎప్పటి కప్పుడును ప్రజల కే రకమైనన్
ముప్పులు ప్రాప్తించు నెడల –
చప్పున తొలగించుము నవ సంవత్సరమా!

* నిర్భయముగ నడి రాతిరి
అర్భకురాండ్రైన వీధి నరిగెడు ఘన సం
దర్భము లగుపింపవలయు!
దుర్భాగ్య ఘటన లికపయి దొరలనియటులన్!!

* భావ స్వేచ్ఛ యనుచు భారతాంబ పయిన
ద్వేష భావ మొలుకు తీరు వలదు!
తినెడి అన్నమందు దేశమాతను జూపి,
తీర్చుమమ్మ హృదుల దేశభక్తి!!

* విలసిల్లగ నీళ్ళు, నిధులు,
వెలయ పరిశ్రమలు, నందు విరివిగ కొలువుల్ –
పులకించ ప్రజలు, “బంగరు
తెలగాణ”ను నిలుపుమమ్మ తెలుగు యుగాదీ!

— &&& —

ప్రకటనలు

2 వ్యాఖ్యలు (+add yours?)

  1. వెంకట రాజారావు . లక్కాకుల
    ఏప్రి 07, 2016 @ 13:06:37

    తెలుగు మావి చివురు తెగ మేసి నట్లుంది
    మంచి పద్య రాగ మందుకొంది
    పద్య పద్యమందు ఫణి ఫణీంద్ర ద్యుతి
    విరిసి తెలుగు నేల మురిసె నేడు .

    స్పందించండి

  2. kiran
    జన 04, 2017 @ 15:14:58

    good kavitha
    hi
    We started our new youtube channel : Garam chai . Please subscribe and support
    https://www.youtube.com/channel/UCBkBuxHWPeV9C-DjAslHrIg

    స్పందించండి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: