పురస్కారం – తిరస్కారం !!!

Sahitya-Akademi-award

             దేశంలో జరుగకూడని ఒక సంఘటన జరిగితే లబ్ధ ప్రతిష్ఠులైన కవులు, రచయితలు తమ కలంతో దాన్ని తూర్పారబట్టి, ప్రజలలో చైతన్యం రేపి, చైతన్యంతో ప్రజలు ప్రజాస్వామ్యయుతంగా ఉద్యమించి పాలకుల మెడలు వంచేట్టు చేయాలె.

            అట్లా చేయగలమన్న ఆత్మవిశ్వాసం కరువైన ఒక రచయిత తనకు దక్కిన సాహిత్య అకాడమీ పురస్కారాన్ని తిరస్కరించి, ఇటీవల నిరసనను తెలిపినాడు. అదేదో ఘనకార్యమైనట్టు మరికొందరు అదే బాట పట్టినారు.

కత్తి కన్న కలం గొప్పదని నాటి కవులు, రచయితలు చాటితే .. తమ కలంపై (లేక) తాము చెప్పుతున్న అంశంపై .. తమకే నమ్మకం సడలి బెదిరింపులకు దిగుతున్నారు నేటి రచయితలు. వీరి కవితాశక్తి కన్న వీరి రాజకీయోద్దేశ్యాలే ఇక్కడ ప్రస్ఫుటంగా గోచరిస్తున్నవి.  

దేశం శాశ్వతమైనది. పాలకులు నిమిత్త మాత్రులు. దేశం పూజనీయం. దేశంపై ప్రతి పౌరుడు భక్తి ప్రపత్తులు కలిగి ఉండాలె. కాని పాలకులలోమంచి వారుంటే .. గౌరవిస్తాం; చెడ్డవాళ్ళుంటే .. దూషిస్తాం. మళ్ళీ ఎన్నికలలో చెడ్డవాళ్ళు అనుకొన్నవాళ్ళను ఓడిస్తాం. అదే ప్రజాస్వామ్యం మనకిచ్చిన ఆయుధం.

సాహిత్య అకాడమీ అవార్డు పాలకుడూ తన జేబులోనుండి ఇచ్చేది కాదు. అది దేశం దేశ కవులకు, రచయితలకు ఇచ్చే విశిష్ట గౌరవం.

పాలకులు తప్పు చేస్తే ప్రజాస్వామ్యం ఇచ్చిన బలంతో వారిని తమ రచనల ద్వారా దుమ్మెత్తి పోయాలె. అంతే కాని, పాలకులు తప్పు చేస్తే .. దేశం ఇచ్చిన పురస్కారాన్ని తిరస్కరించి ధిక్కార స్వరంతో దేశాన్ని అవమానించడం మూర్ఖత్వం. నైచ్యం.

రేపు పాలకులు దిగిపోవచ్చు. కవులు, రచయితల  భావ జాలానికి అనుకూలమైన పాలకులు రావచ్చు. అప్పుడు మళ్ళీ అవార్డులను స్వీకరిస్తారాఅట్లాగయితే .. కవులు, రచయితలు అవార్డులను సర్వజనామోదంతో కాకుండా, తమ భావజాలానికి అనుకూలమైన పాలకుల పైరవీలతో పొందినట్టుగా అంగీకరించినట్టే!

సామ్రాజ్యవాద శక్తిగా మన దేశాన్ని పాలించిన విదేశం -‘బ్రిటన్అందించినసర్బిరుదును తిరస్కరించడం .. సర్వ సత్తాక స్వతంత్ర గణతంత్రం – మన మాతృదేశం అందించిన పురస్కారాన్ని తిరస్కరించడం .. రెండూ ఒకటేనా?

ఇక్కడ ఉత్పన్నమయే ప్రశ్నదేశానికి, పాలకులకు మధ్య గల భేదానికి సంబంధించి .. కవులు, పండితులకే లోపించిన అవగాహన గురించి! దేశం పట్ల నిరసనకు, పాలకుల పట్ల నిరసనకు గల వ్యత్యాసాన్ని మేధావులే గుర్తించలేకపోవడం గురించి!!

– డా. ఆచార్య ఫణీంద్ర

ప్రకటనలు

4 వ్యాఖ్యలు (+add yours?)

  1. Syamala rao Tadigadapa
    అక్టో 19, 2015 @ 19:44:34

    I agree with you

    స్పందించండి

  2. Sastry
    అక్టో 19, 2015 @ 22:03:45

    I fully agree with you sir

    స్పందించండి

  3. Dr.Acharya Phaneendra
    అక్టో 19, 2015 @ 22:52:29

    ధన్యవాదాలు శ్యామల రావు గారు

    స్పందించండి

  4. Dr.Acharya Phaneendra
    అక్టో 19, 2015 @ 22:53:54

    ధన్యవాదాలు శాస్త్రి గారు.

    స్పందించండి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: