ఏక వాక్య కవితలు (ఇంకొన్ని) …

ఏక వాక్య కవితలు (ఇంకొన్ని) …

[లోగడ నేను ప్రచురించిన టపాలలో కవిత్వాంశకు సంబంధించి – చాలా మందికి నచ్చిన, బాగా చర్చనీయాంశమైన, బహుళ ప్రచారం పొందిన టపాలు రెండున్నాయి.  అవి – మార్చ్ 2009 లో, జూలై 2009 లో ప్రచురించబడిన నా ’ఏక వాక్య కవితలు’. అవి ఎంతగా ప్రసిద్ధి చెందాయంటే – అవి ప్రచురించబడి దాదాపు మూడేళ్ళవుతున్నా, ఇప్పటికీ వారానికి ఇరవై నుండి ముప్పయ్ మంది సాహిత్యాభిమానులు వాటిని వీక్షిస్తూనే ఉన్నారు. అవి సాహిత్యాభిమానుల హృదయాలకు ఎంతగా హత్తుకోన్నాయంటే – ఇప్పటికీ అడపా దడపా మంచి మంచి వ్యాఖ్యలను చేస్తూనే ఉన్నారు.

 Bhaskara Rami Reddy

మార్చి 17, 2009 @ 03:00:20

ఫణీంద్ర గారు,
ఒక్కోక్క వాక్యం ఒక్కోక్క సంహిత.ఎంతబాగా మాల కట్టారండి.

patanjali
మార్చి 28, 2009 @ 07:14:08

నమస్సులు.
మీ బ్లాగ్ బాగుంది.
ఏక వాక్య సంయోజనలో కవితావిష్కరణ ప్రయోగం అభినందనీయం.
-డా.తాడేపల్లి పతంజలి

lakshmiprabha
మార్చి 31, 2009 @ 22:16:43

namasthe  
vakyam   rasatmakam  – the  coinage is justified in your beautifully short expressions.

Vinay
జూన్ 14, 2009 @ 22:49:04

Telugu theyyadanam parimalalalo olaladinchina meeku ede na namassumanjali.

potukuchi taraka phanindra sarma
Feb 12, 2011 @ 01:37:29

meeru vrasina kavitha నీ kosam jeevithakalam nireekshinche preyasi mrutyuvu annaru , a okkapadam tho nenu jeevitamlo marachipolekapotunna nannu prminchina { mosaginchina } naa preyasini marachipoyi jeevitamlo hayiga untunnanu , meeku dhanyvaadalu . 

SUDHEER KUMAR
డిసెం 23, 2011 @ 21:35:15

velakakattakattleni vakyala harivillukada idhi

Kaleswara Rao
జన 26, 2012 @ 18:39:31

Sri Phaneedra Garu

kasta manasu bagoleka telugu kavitalu clicks chesa, me kavitalu chusakame Eka vakya kavitalu – manasuki manchi kick la panichesayi
Thanks
కలి

—————————————————————–

ఇలాంటి వ్యాఖ్యలు కవిగా నాకు మంచి సంతృప్తిని కలిగిస్తాయి. అలాంటి సాహిత్యాభిమానుల కోసం నా ఏక వాక్య కవితలు ఇంకొన్నింటిని ప్రచురిస్తున్నాను.  మనసారా ఆస్వాదించి, ఆశీర్వదించండి.

– డా. ఆచార్య ఫణీంద్ర ]

*కరిగి కురిసే మేఘమైనా , గర్జిస్తే దిక్కులు కంపిస్తాయి.

*కుందింది మనసైతే, బుగ్గా! నువ్వెందుకే కందడం?

*చిరుత ప్రాయం – గాండ్రింపులు మామూలే!

*జీవితం కాలిపోతున్నా జీవితాల్ని వెలిగించు.

*కష్టాల్లో ఆత్మీయుల పలకరింపులు – వేడి వేసవిలో గొంతులో జారే చన్నీటి చుక్కలు.

*ప్రాణం అంటే తీపి – చస్తే చావను!

*వేల మైళ్ళ ప్రయాణమైనా వేసేది ముందు ఒక అడుగే!

*ఒక బుల్లి పెట్టె వల్ల ఇల్లిల్లూ కల్లోలమే!

*గుండెలు ద్రవించాయి – కళ్ళు వర్షించాయి 

*వందలాది ‘లబ్ డబ్’  లకు ‘ఛుక్ ఛుక్’ అంటూ శ్రుతి కలుపుతోంది రైలు! 

 *నింగి పొయ్యిలో నిప్పు రాజేసి భూగోళాన్ని ‘ఫ్రై’ చేస్తున్నాడు సూర్యుడు.

* కాకికేం తెలుసు విగ్రహం వీర శివాజీదని – రెట్ట వేసింది.

*పురిటి నొప్పులు పడుతున్న పూర్ణ గర్భిణిలా నడుస్తోంది బస్సు.

*ప్రొద్దున్నే సూర్యుడేమిటి – చెట్టు చాటు నుండి దొంగ చూపులు?

*అమాయికత్వం కాకపొతే, అశాశ్వత జీవితాలు వెళ్ళబుచ్చడానికి శాశ్వత భవనాలు కట్టుకోవడమేమిటి?

*కాలం కత్తికి రెండు పార్శ్వాలు – గతం, భవిష్యత్తు!

*నిరక్షరాస్యత – పాల బుగ్గపై కన్నీటి చార!

*ప్రపంచాన్ని రెక్కలకు కట్టుకొని గుమ్మంలో వాలే పక్షి – వార్తా పత్రిక!

*భ్రమలో తేలే మనసుకు వాస్తవాలు ములుకుల్లా గుచ్చుతాయి.

*నీ మునివాకిట్లో వేచి వేచి, నీ పిలుపందేసరికి నివురైపోయాను.

* యంత్రం మానవుని మంత్రం -మానవుడు దేవుని యంత్రం!

*కొందరికి తిండి దొరకక హాహాకారాలు – కొందరికి తిన్నదరగక వ్యాయామాలు!

*ఇంధనం లేక వాహనం, నం లేక జీవనం – ముందుకు సాగవు!

*చెట్టులా పెరిగి ఏం లాభం? – బుద్ధి చిగురించనప్పుడు!

*బరువంతా గుండెల్లో దాచుకొన్న సంచిని చేతి వేళ్ళకు ఉరేస్తాడు మనిషి.

*మట్టిలోకి తోసేసిన మనిషికే చెట్టై సేవ చేస్తుంది విత్తనం.

*కంటి తడి తెలియని వాడు కవి కాలేడు. 

*జీవన వాక్యంలో అనారోగ్యం కామా; మృత్యువు ఫుల్ స్టాప్!

*ఆమెకు, నాకు మధ్య చూపుల తోరణాలు.

*బాల్య చాపల్యం కాకపోతే, భగవంతుడు విశ్వాన్ని బొంగరంలా తిప్పి ఆడుకోవడమేమిటి?

*కరిగిపోయేది కాలం కాదు – నీ ఆయువు! 

*నువ్వు తడవకుండా ఉండేందుకు తాను తడిసిపోయే త్యాగి – గొడుగు!

*గుండెదిటువు గలవానికి జీవించడం – ఇరానీ కేఫ్ లో టీ త్రాగినంత సులువు!    

*తలబిరుసుతనంతో తరలి వెళుతుంటే, గుడిలో గీతా శ్లోకం కొరడా చరుపై వినిపించింది.    

*నిద్రిస్తున్న నగరంలో నడుస్తున్న దివిటీ -గూర్ఖా!

*కన్నీటి కెరటాలలో స్వప్న శకలాలు తేలియాడుతున్నాయి!             

*ఎండా వానల స్నేహం ఏడు రంగులతో మెరిసింది!

*తమస్సులో ప్రయాణిస్తున్నాను – ఉషస్సుకై అన్వేషిస్తూ!  

*బ్రతుకవచ్చిన కప్ప బావినే మింగితే ఎలా?

* దివి నుండి భువికి దిగివచ్చే దేవత వర్షధార!

*కొండ గుండె పగిలిందేమో – కన్నీరు జలపాతం!

*ఆ వృద్ధ దంపతుల దేహాలు ఇండియాలో – ఆత్మలు అమెరికాలో!

*భావానికి స్నానం చేయించి, పెళ్ళికూతురిలా అలంకరించడమే కవిత్వం!

—***—

4 వ్యాఖ్యలు (+add yours?)

  1. Durga Rao
    ఫిబ్ర 03, 2012 @ 06:10:49

    Kavithalu konni chala bagunnai. (VENUKA CHAKRAM THIRUGUTHUNDI MUNDU CHAKRANNI ANDUKOVALANI KANI ENTHAKI ANDADE)

    స్పందించు

  2. Dr.Acharya Phaneendra
    ఫిబ్ర 03, 2012 @ 21:19:37

    దుర్గా రావు గారు!
    ధన్యవాదాలు! మీ కవితా బాగుంది.

    స్పందించు

  3. శ్రీనిక
    ఫిబ్ర 05, 2012 @ 06:21:25

    ఫణీంద్ర గారూ
    ప్రకృతి అందాలని అందిస్తుంది తనకేమీ మిగుల్చుకోకుండా
    భాష భావాల్ని పంచుతుంది అక్షయ పాత్రలా
    మనసు మాట్లాడుతుంది మూగగా…
    మీ భావాలు చాలా బాగున్నాయి. ధన్యవాదములతో

    స్పందించు

  4. Dr. Acharya Phaneendra
    ఫిబ్ర 05, 2012 @ 16:28:40

    శ్రీనిక గారు!
    ధన్యవాదాలు!

    స్పందించు

స్పందించండి

Fill in your details below or click an icon to log in:

WordPress.com Logo

You are commenting using your WordPress.com account. Log Out / మార్చు )

Twitter picture

You are commenting using your Twitter account. Log Out / మార్చు )

Facebook photo

You are commenting using your Facebook account. Log Out / మార్చు )

Google+ photo

You are commenting using your Google+ account. Log Out / మార్చు )

Connecting to %s

%d bloggers like this: