మృత్యువుకు ఉరిశిక్ష వేస్తా!

మృత్యువుకు ఉరిశిక్ష వేస్తా!

 

 

 

 

 

చిన్నప్పటి నుండి
నన్ను నవ్విస్తున్న ‘బుడుగు‘
కంటికి మంటికి ఏకధారగా
ఏడుస్తున్నాడేమిటి?
కళ్ళతో చిలిపిగా మాట్లాడే
బాపు బొమ్మలు
మౌనంగా రోదిస్తున్నాయెందుకు?
అయ్యయ్యో!
వెండి తెరకు చెందిన
రెండు కళ్ళలో ఒకటి చితికిపోయిందే!
అరెరే! కలం విరిగిపోయిందని
కుంచె కుమిలిపోతుందే!
రవి నుండి రశ్మి రాలిపోయిందే!
శశి నుండి జ్యోత్స్న కూలిపోయిందే!
ఏమిటీ దారుణం –
పెనవేసుకొన్న గీతల, రాతల
చేతులను విడదీసింది ఎవరు?
స్నేహానికి పాఠాలు నేర్పిన
చిరకాల మిత్రులను
భూమీ, ఆకాశంలా వేరు చేసిన
నిర్దాక్షిణ్యులు ఎవరు?
‘రమణ‘ నీలి మేఘాలలో కలసి పోతే –
‘బాపు‘ నేలపై మోడు వారిన చెట్టులా మిగిలాడే!
‘బాపు‘ నుండి ‘రమణ‘ను
దూరం చేసిన
కఠినాత్ములు ఎవరు?
అయ్యో!
నా గుండెలు మండిపోతున్నాయి –
‘మడిసికీ, గొడ్డుకూ తేడా తెలియని‘
మృత్యువు ఎంత పని చేసింది?
నాకే గాని, అధికారముంటే …
మృత్యువుకు ఉరిశిక్ష వేస్తా!

 

 

 

 

 

 

 

( పరమపదించిన ప్రముఖ రచయిత ‘ముళ్ళపూడి వెంకట రమణ‘ గారికి బాష్పాంజలితో …)

– డా. ఆచార్య ఫణీంద్ర

ప్రకటనలు

2 వ్యాఖ్యలు (+add yours?)

  1. SHANKAR
    ఫిబ్ర 24, 2011 @ 21:27:56

    ఇన్నాళ్లుగ నీ రాతల్లో నువ్వొదిలిన
    ఫన్నీలన్నీ ఇపుడు నువ్వు లేవంటూంటే
    కన్నీళ్లు ఒక్కుదుటన ధారలవుతున్నాయి
    విన్నావా ముళ్ళపూడి వెంకట రమణా

    అటు చూడు
    “హన్నా” అంటూ బెదిరించే బుడుగు బేలగా ఏడుస్తున్నాడు
    “ప్రైవేట్” చెప్పేందుకు ఎవరూ లేక బాబాయ్ భోరుమంటున్నాడు
    “సెగట్రీ” నీ ఆర్డర్ల కోసం ఆశగా ఎదురుచూస్తున్నాడు
    “అరుణ” ‘అప్పు’డే ఋణం తీర్చుకోద్దంటోంది
    “రాధా గోపాళం” రావా రమణా అని పిలుస్తున్నారు

    సర్లే ఇవన్నీ వదిలేయి. అటు చూడు బాపు కళ్ళలో …తన మనసు నీకు తెలీదని కాదు కానీ నువ్వు లేని బాపు ని చూస్తే ఆత్మ లేని శరీరాన్ని చూసినట్టు లేదూ? అయినా
    నీ ఆత్మ బాపులో
    బాపు ఆత్మ నీలో ఉన్నప్పుడు
    తన అనుమతి లేకుండా
    పరమాత్మను చేరే హక్కు నీ కెక్కడ రమణా?

    http://blogavadgeetha.blogspot.com/2011/02/blog-post_24.html

    స్పందించండి

  2. Dr. Acharya Phaneendra
    ఫిబ్ర 25, 2011 @ 21:47:28

    బాగుంది శంకర్ గారు!
    ధన్యవాదాలు!

    స్పందించండి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్+ చిత్రం

You are commenting using your Google+ account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

w

Connecting to %s

%d bloggers like this: