చంద్ర శేఖర్ ’ఆజాద్’

చంద్ర శేఖర్ ’ఆజాద్’

రచన : ’పద్య కళాప్రవీణ’ డా. ఆచార్య ఫణీంద్ర


“ఎప్పటి కాంగ్ల జవానుల

గుప్పిట చిక్కుటకు నొప్పకుం ’దాజాదున్’ !

తప్పి ఒకవేళ, చిక్కక

తప్పనియెడ ఆత్మహత్య తలదాల్తు” నటన్ –


’ఓవరు కోటు’ జేబునెపు డొక్క బులెట్టును దాచియుంచుచున్,

చావుకు సిద్ధమై – భరత జాతి విముక్తికి పోరు సల్పుచున్,

చేవను జూపినా డతి విశేష మహోన్నత దేశ భక్తితో –

పావన ’చంద్ర శేఖరుడు’ – భారత మాతకు ముద్దు బిడ్డడై !


’భగతు సింగు’ వంటి భారత స్వాతంత్ర్య

వీర వరుల కతడు దారి చూపె –

పోరు బాటలోన ముందుండి నడిపింప –

బ్రిటిషు గుండె లదరి బెదరి పోయె !


తులసి వనమందు గంజాయి మొలచినట్లు

అతని అనుచరులందొక్క డయిన వాడె

బ్రిటిషు వారు రాల్చిన ’కుక్క బిస్కటు’ తిని

అతని ఆచూకి వారికి నందజేసె !


ఒంటరిగా నొక తోటను

కంటబడగ, బ్రిటిషు గార్డ్లు కాల్పులు జరుపన్ –

మింటికి, నేలకు నాతడు

వెంటనె తప్పించుకొనుచు వేసెను గంతుల్ !


పిదప నొక పెద్ద వృక్షమ్ము వెనుక జేరి,

జేబులో ’గన్ను’నే తీసి, చేవ మీర

పెక్కు బ్రిటిషు జవానులన్ ప్రేల్చి, చంపి,

’ఉక్కు మనిషి’గా వెలిగె వీరోచితముగ !


గడగడ వణ్కెడున్ బ్రిటిషు గార్డుల రక్తము కాల్వ గట్టగా –

కడపటి బుల్లెటౌ వరకు కాల్చియు చంపెను పెక్కు మందినిన్ !

కడతెగె నింక బుల్లెటులు కావున, యుద్ధమునందు వారిచే

మడియక తప్పదేమొ యను మాట తలంపుకు వచ్చినంతటన్ –


’ఆజాద’ను తన పేరును

బాజాపుత రుజువు చేయ, పైగల ’కోట్’లో

ఓ జేబున దాచియు ప్రతి

రోజుంచెడి బుల్లెటు గొని, త్రోసెను ’గన్’లో !


ఎడమ చేతిలో ’గన్’ పూని ఎక్కుపెట్టు

కొనిన వాడయ్యు, తన శిరస్సునకు తానె;

దక్షిణ కరమ్ముతో నేల తల్లి తడిమి,

కనుల మమకార బాష్పాలు కాల్వ గట్ట –


” ఇంతియ మాత్ర సేవనొనరింపగ నోచితి భారతాంబ ! నా

కంతిమ కాల మింక ఇటు లబ్బిన దంచును, నేల మట్టినిన్

కొంతయు చేతిలోన గొని, కొండను మించిన ఎత్తు భక్తితో

నంతట కళ్ళ కద్దుకొని, ఆ పయి దాని శిరంబు నిల్పియున్ –


వచ్చెడి జన్మలో స్వపరిపాలిత భారత దేశమందునన్

స్వచ్ఛపు భారతీయునిగ జన్మమునొంది, స్వతంత్ర వాయువుల్

స్వేచ్ఛగ వీయుచుండ నవి పీల్చెడి భాగ్యమొసంగ గోరుచున్

తచ్ఛరణారవిందముల దాల్చి స్మృతిన్, మరణించె వీరుడై !


జీవనమును, మరణమ్మును

పావన భారత ధరిత్రి పాదాంకితముం

గావించిన నిరుపమ ఘన

సేవా నిరతుండు – చంద్ర శేఖర ’ఆజాద్’ !


( 64వ భారత స్వాతంత్ర్య దినోత్సవ శుభ సందర్భంగా …

విశ్వవ్యాప్త భారతీయులకందరికీ శుభాభినందనలతో – )


ప్రకటనలు

6 వ్యాఖ్యలు (+add yours?)

  1. తెలుగు యాంకి
    ఆగ 14, 2010 @ 20:48:20

    ఆచార్య, చాలా స్ఫూర్తిదాయకముగా ఉన్నది. మీకు కూడా స్వాతంత్య్ర దినోత్సవ శుభాకాంక్షలు.

    స్పందించండి

  2. padmarpita
    ఆగ 15, 2010 @ 01:05:30

    స్వాతంత్ర్య దినోత్సవ శుభాకాంక్షలు.

    స్పందించండి

  3. saamaanyudu
    ఆగ 15, 2010 @ 09:01:58

    ఇంక్విలాబ్ జిందాబాద్..
    స్వాతంత్ర్య ఫలములు అందరికీ సమపాళ్ళలో దక్కాలన్న ఆజాద్ ఆశ చావలేదని ఆశిస్తూ..

    స్పందించండి

  4. Dr.Acharya Phaneendra
    ఆగ 16, 2010 @ 00:03:16

    ’తెలుగు యాంకి’ గారికి –
    ’పద్మార్పిత’ గారికి –
    ’సామాన్యుడు’ గారికి –
    ధన్యవాదాలు!

    స్పందించండి

  5. Shanmukha
    జన 01, 2011 @ 14:26:15

    Namaste Phaneedra Garu,

    Mee Padya Kavitha chaalaa baagundi mariyu chaalaa uttejakaramugaa unnadi. Padya Kavitha nu batikimchadaaniki meeru chestunna krishi prasamshaneeyamu. Saati NFCtian gaa meeku naa abhinandanau.

    Please keep up the good work

    స్పందించండి

  6. .డా. ఆచార్య ఫణీంద్ర
    జన 03, 2011 @ 23:36:19

    Thank you verymuch Shanmukha garu!
    Meeru NFC lO e plant lO pani chestunnaaru?

    స్పందించండి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: