మహాకవి దాశరథి

dasaradhi-Teluguwriterమహాకవి దాశరథి

—————————
రచన: డా. ఆచార్య ఫణీంద్ర

కవిత్వ బాంబులు కాల్చి, పేల్చి,
” అగ్ని ధార ” లకు ఆజ్యం పోసి,
నిజాము రాజును బజారుకీడ్చిన
ప్రజా కవీంద్రుడు దాశరథి !

స్వతంత్రమొందిన తెలంగాణమును
సమైక్యాంధ్రలో మిళితం చేసి,
” మహాంధ్రోదయం ” ఆకాంక్షించిన
విశాల హృదయుడు దాశరథి !

అంగారాన్ని, శృంగారాన్ని
బంగారంలా సింగారించి,
ఆంధ్ర కవితకే సొగసులు దిద్దిన
మహాకవీంద్రుడు దాశరథి !

సమతా వాదం, శాంతి నినాదం
జీవితమంతా నీకయె వేదం _
నీ ఆశయమే మా నవ కవులకు
ఆదర్శం, ఆచరణం _ దాశరథి !

[ 21 జులై నాడు కీ.శే. మహాకవి డా. దాశరథి 83 వ జయంతి సందర్భంగా నివాళిగా … ]

___ *** ___

ప్రకటనలు

11 వ్యాఖ్యలు (+add yours?)

  1. Bhaskara Rami Reddy
    జూలై 20, 2009 @ 21:46:48

    అంగారాన్ని, శృంగారాన్ని
    బంగారంలా సింగారించి,
    ఆంధ్ర కవితకే సొగసులు దిద్దిన
    మహాకవీంద్రుడు దాశరథి !

    బాగుంది ఆచార్యా.. తెలుగు కివిత్వానికి జిలుగులద్దిన దాశరధి గారికి నా తరపున కూడా నివాళి.

    స్పందించండి

  2. Nameless
    జూలై 20, 2009 @ 22:34:27

    అద్భుతం!! ఇంకా దాశరథి కొంతమందికైనా గుర్తునన్ందుకు సంతోషం గా ఉంది.

    “నీవే లోకమునిండ నిండితివి కానీ, ఈ ప్రభుత్వాలు ని
    న్నే వంచింపబలాలు కూర్చుకొనుచుండెన్, భగ్నజీవీ! తుపా
    కీ వర్షించెడు ఉక్కు గుండ్లు భవ దగ్ని స్ఫార నేత్రాలలో
    త్రోవల్ చేయుచు సాగలేక పరువెత్తున్ వెనక్కున్ వెనక్కున్”
    (మళ్ళించు రథము : అగ్నిధార)

    ఫణీంద్ర గారు – మీదగ్గర దాశరథి గారి పుస్తకాలు అన్నీ ఉన్నాయా?

    http://telugupadyam.blogspot.com/2008/07/blog-post_19.html

    http://pustakam.net/?p=1240

    స్పందించండి

  3. Dr.Acharya Phaneendra
    జూలై 20, 2009 @ 23:32:16

    భాస్కర రామిరెడ్డి గారు !
    అనేకానేక ధన్యవాదాలు !

    స్పందించండి

  4. Dr.Acharya Phaneendra
    జూలై 21, 2009 @ 00:07:03

    ” NAME LESS ” గారికి నమః
    దాశరథి నా అభిమాన కవి అనే కన్న, నా ఆరాధ్య కవి అనడం సబబు.
    ఆనాటి ఆంధ్ర ప్రదేశ్ ఆస్థాన కవి డా.దాశరథి ( నాకు 16 ఏళ్ళ వయసు ఉన్నప్పుడు ) మా పెంకుటింటికి వచ్చారు.
    అప్పటికే నేను వ్రాసుకొన్న కొన్ని పద్యాలను, కవితలను, పాటలను తీరికగా చదివి, ” Well done young man ! Go ahead ! ” అని వెన్ను తట్టారు. తన గ్రంథాలన్నీ కలిపి ఒకే పెద్ద గ్రంథంగా ముద్రించిన ” దాశరథి కవిత ” ప్రతి నొకదానిని నాకు బహూకరించారు. అదంతా ఇప్పుడు తలచుకొంటే _ ” ఏ జన్మ పుణ్య ఫలమో ! ” అనిపిస్తుంది.
    ఈ మధ్య కాలంలో మూడు, నాలుగు మార్లు సాహిత్య రూపకాలలో ” దాశరథి ” పాత్ర ధరించి మెప్పించ గలగడం నా సౌభాగ్యమనే చెప్పుకోవాలి. అదొక మధురానుభూతి !
    ” నా గీతావళు లెంత దూరము ప్రయాణంబౌనొ _ అందాక ఈ
    భూగోళంబున నగ్గి వెట్టెదను … ” అన్నారు దాశరథి.
    ఈ భూగోళం ఉన్నంత వరకు ఆ అగ్గి మండుతూనే ఉంటుంది.
    ఆ ” అగ్ని ధార ” లకు చావు లేదు. వాటిని దర్శించ గలిగే దివ్య చక్షువులను మనం సాధించుకోవాలి. అంతే !

    స్పందించండి

  5. Nameless
    జూలై 21, 2009 @ 00:11:16

    ఆ గ్రంథం ఇంకా మీదగ్గరుందా? నాకు దాశరథి గారి పుస్తకాలన్నీ కావాలి. చాలా రజులనచీ ప్రయత్నిస్తున్నాను కానీ దొరకట్లేదు. మిమ్మల్ని ఎలా సంప్రదించాలో చెబుతారా? ఫోన్, ఇమెయిల్?

    స్పందించండి

  6. Nameless
    జూలై 21, 2009 @ 00:11:39

    ఆ గ్రంథం ఇంకా మీదగ్గరుందా? నాకు దాశరథి గారి పుస్తకాలన్నీ కావాలి. చాలా రోజులనుంచీ ప్రయత్నిస్తున్నాను కానీ దొరకట్లేదు. మిమ్మల్ని ఎలా సంప్రదించాలో చెబుతారా? ఇమెయిల్?

    స్పందించండి

  7. డా || ఆచార్య ఫణీంద్ర
    జూలై 21, 2009 @ 00:24:14

    NAME LESS గారు !
    ఒకే ఒక ప్రతి ! అపురూపంగా దాచుకొన్నాను.
    నా ఫోన్ నంబర్లు, చిరునామా, మెయిల్ వివరాలు … అన్నీ ఈ బ్లాగులో కుడి ప్రక్కన ఉన్నాయి.
    ఒక ఆదివారం ముందుగా చెప్పి వస్తే … నా సమక్షంలో XEROX చేయించి అందజేయగలను,

    స్పందించండి

  8. Nameless
    జూలై 21, 2009 @ 00:40:44

    అద్భుతం!!!

    మీరు సహృదయతతో ఇవ్వబోతున్న ఈ కానుక నన్ను ఎంతగా సంతోషపెడుతుందో మాటల్లో చెప్పలేనండీ! ఆదివారం రోజు మిమ్మల్ని కలిసి జిరాక్స్ తీసుకుంటాను.

    I am indebted you!!

    I will send you an email.

    స్పందించండి

  9. Krishna
    జూలై 21, 2009 @ 02:58:12

    Name less garu,

    Daya chesi aa pustakanni scan cheyinchi share cheyagalaru…

    Krishna

    స్పందించండి

  10. నరసింహారావు మల్లిన
    జూలై 21, 2009 @ 05:55:50

    శ్రీ శ్రీ ని గుర్తు చేసారు. ధన్యవాదాలు.
    దాశరధి గారి సాహిత్యం పూర్తిగా చదవాలనుంది. మళ్ళీసారి మిమ్మల్ని కలిసినపుడు తప్పకుండా నాకో జిరాక్స్ కాపీని దయచేయించగలరు.
    మీ పుస్తకాలను సగం వరకూ చదివాను. మిగిలిన సగం పూర్తి చేసిన తర్వాత మీకు ఈ మెయిలు పంపిస్తాను.

    స్పందించండి

  11. డా || ఆచార్య ఫణీంద్ర
    జూలై 21, 2009 @ 06:53:50

    నా మరొక బ్లాగు ” నండూరి రామకృష్ణమాచార్య సాహిత్య పీఠం ” లో ” ఈ మాసం పద్య కవిత ” గా దాశరథి గారి పద్యాన్ని ఉంచాను. ఆసక్తి గలవారు చూడగలరు.
    http// dracharyaphaneendra.blogspot.com

    స్పందించండి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: