బతుకమ్మ పాట
30 సెప్టెం 2011 అభిప్రాయములు
శ్రవణ కుమారుడు
(బతుకమ్మ పాట)
రచన : డా. ఆచార్య ఫణీంద్ర
కోసలాధీశుండు ఉయ్యాలో – దశరథ నాముండు ఉయ్యాలో -
కొండ కోనలు దాటి ఉయ్యాలో – వేటకే బోయెను ఉయ్యాలో -
అడవిలో దిరిగెను ఉయ్యాలో – అటు ఇటు జూచెను ఉయ్యాలో -
చెట్టు గుబురుల చాటు ఉయ్యాలో – చెరువొకటి కనిపించె ఉయ్యాలో -
శబ్దమేదొ వినెను ఉయ్యాలో – శరమును సంధించె ఉయ్యాలో -
జంతువేదొ జచ్చె ఉయ్యాలో – అనుకొని సాగెను ఉయ్యాలో -
చెంతకు చేరగా ఉయ్యాలో – చిత్తమే కుంగెను ఉయ్యాలో -
కుండలో నీళ్ళను ఉయ్యాలో – కొనిపో వచ్చిన ఉయ్యాలో -
బాలుని గుండెలో ఉయ్యాలో – బాణమే గ్రుచ్చెను ఉయ్యాలో -
ఎవ్వరు నువ్వనె ఉయ్యాలో – ఏడ్పుతో దశరథుడు ఉయ్యాలో -
శ్రవణుడు నేననె ఉయ్యాలో – చచ్చేటి బాలుడు ఉయ్యాలో -
తప్పు జరిగెనంచు ఉయ్యాలో – తపియించెను రాజు ఉయ్యాలో -
చావు బతుకుల బాలుడుయ్యాలో – సాయమే కోరెను ఉయ్యాలో -
నా తల్లిదండ్రులు ఉయ్యాలో – దాహంతో ఉండిరి ఉయ్యాలో -
ఈ నీళ్ళు గొంపోయి ఉయ్యాలో – ఇచ్చి రమ్మనెను ఉయ్యాలో -
ఆ నీళ్ళతో రాజు ఉయ్యాలో – అడవంతా వెదికె ఉయ్యాలో -
ఒకచోట జూచెను ఉయ్యాలో – ఒణికేటి దంపతుల ఉయ్యాలో -
కళ్ళైన లేవాయె ఉయ్యాలో – కాళ్ళైన కదలవు ఉయ్యాలో -
వృద్ధ దంపతుల జేరి ఉయ్యాలో – వేదన చెందుతూ ఉయ్యాలో -
సాష్టాంగ పడె రాజు ఉయ్యాలో – సంగతి జెప్పెను ఉయ్యాలో -
పలుకు విన్నంతనే ఉయ్యాలో – పాపమా వృద్ధులు ఉయ్యాలో -
శాపాలు బెట్టిరి ఉయ్యాలో – చాలించిరి తనువులుయ్యాలో -
శాపమే ఫలియించి ఉయ్యాలో – జరిగె రామాయణం ఊయ్యాలో -
లోక కల్యాణమాయె ఉయ్యాలో – లోకమే మెచ్చెను ఉయ్యాలో -
(తెలంగాణ మహిళామణులకు ‘బతుకమ్మ పండుగ’ శుభాభినందనలతో …)
___ £*£ ___
కాకతీయ కళా వైభవ కీర్తి పతాక – 3
18 సెప్టెం 2011 అభిప్రాయములు
వేయి స్తంభాల గుడిలో వెలుగులీనుతున్న కళా వైభవ చిహ్నాలు :
ఇవి – ఛాయాగ్రహణానికి అనుమతి గల ప్రదేశాలలోని కొన్ని చిత్రాలు మాత్రమే. ఇంకా ఛాయాగ్రహణానికి అనుమతి లేక విరాజిల్లుతున్న శిల్ప కళా రూపాలెన్నో!
కొసమెరుపుగా – భద్రకాళి దేవాలయంలో ఉన్న “ఆదర్శ హిందూ గృహానికి 25 సూత్రాలు” అన్న పట్టిక నన్ను విశేషంగా ఆకర్షించింది. ఒక్కసారి అవలోకించండి.
(సంపూర్ణం)
కాకతీయ కళా వైభవ కీర్తి పతాక – 2
16 సెప్టెం 2011 అభిప్రాయములు
ఖిల్లా వరంగల్ శిథిలాలలో కమనీయ కళా స్వరూపాలు (మరి కొన్ని) :
మరికొన్ని మరో టపాలో …
(సశేషం)
కాకతీయ కళా వైభవ కీర్తి పతాక – 1
13 సెప్టెం 2011 అభిప్రాయములు
ఈ ఆదివారం సహోద్యోగులతో కూడి సరదాగా విహారయాత్ర చేసి వచ్చాము. చాలా రోజుల తరువాత ఓరుగల్లు (నేటి వరంగల్ – అలనాటి కాకతీయాంధ్ర ప్రభువుల రాజధాని ఏకశిలా నగరం)లోని రామప్ప, ఖిల్లా వరంగల్, వేయి స్తంభాల గుడి, భద్రకాళి దేవాలయం దర్శించుకొనే వీలు చిక్కినందుకు ఆనందం కలిగింది. మరొకమారు కాకతీయ కళా వైభవ కీర్తి పతాకను కన్నులారా దర్శించుకొని, మనసారా నమస్కరించాను. ఆ శిల్ప కళారూపాల అపురూప చిత్రాలను బ్లాగు మిత్రుల వీక్షణార్థం అందిస్తున్నాను. తిలకించండి.
- డా. ఆచార్య ఫణీంద్ర
రామప్ప గుడి వద్ద రమణీయ దృశ్యాలు :
ఖిల్లా వరంగల్ (కోట) శిథిలాలలో కమనీయ కళా స్వరూపాలు :
మరికొన్ని మరో టపాలో …
(సశేషం)
అత్యంత వైభవోపేతంగా …
01 సెప్టెం 2011 అభిప్రాయములు
సుప్రసిద్ధ మహాకవి, ‘అభినవ పోతన’ బిరుదాంకితులు కీ.శే. వానమామలై వరదాచార్యుల శతజయంత్యుత్సవాల ప్రారంభ సభ హైదరాబాదులోని రవీంద్ర భారతిలో అత్యంత వైభవోపేతంగా జరిగింది. శ్రీ దుద్దిళ్ళ శ్రీధర్ బాబు, ఆచార్య సి. నారాయణ రెడ్డి, డా. కె.వి.రమణాచార్య, ఆచార్య రవ్వా శ్రీహరి, డా. చుక్కా రామయ్య, డా. తిరుమల శ్రీనివాసాచార్య మొదలైన వారు అతిథులుగా పాల్గొన్నారు.
అభినవ పోతన పురస్కార గ్రహీతలు:
ఆచార్య ముదిగొండ శివప్రసాద్:
ఆచార్య ఎస్వీ. రామారావు:
డా. జె. బాపు రెడ్డి:
డా. ఉండేల మాలకొండా రెడ్డి:
ఆచార్య బేతవోలు రామబ్రహ్మం:
ఆచార్య అనుమాండ్ల భూమయ్య:
ఆచార్య ఎల్లూరి శివా రెడ్డి:
శ్రీ సుద్దాల అశోక్ తేజ:
డా.ఆచార్య ఫణీంద్ర:
సభా కార్యక్రమానికి ముందు వానమామలై వారు రచించిన “పోతన చరిత్రము” మహాకావ్యంలోని “భోగిని లాస్యం” ఘట్టం నృత్య రూపక ప్రదర్శన:
— +++ —
