ఎర్ర తామర పువ్వు
ఎర్ర తామర పువ్వు
రచన : ” పద్య కళా ప్రవీణ ” డా. ఆచార్య ఫణీంద్ర
నల్లని గడ్డమున్, సునయనంబుల కుంకుమ కాంతి, చేతిలో
విల్లును గల్గినట్టి ఘన విప్లవ వీరుడు; భారతాంబకున్
తెల్లని వారి ఆగడము తీర్చగ దీక్షను బూనినట్టి ఆ
” అల్లురి రామరా ” జితడె ! అంజలి సేయరె గారవించుచున్ !
నేటికి నూర్వత్సరముల
చాటున పరికింప _ ఆంధ్ర చరిత పుటలలో
మేటి, స్వరాజ్యముకై పో
రాటము సేయంగ రామరాజై పుట్టెన్ !
చదువుతోబాటుగా స్వారాజ్య కాంక్షనే
అమిత శ్రద్ధ గలిగి అభ్యసించె _
బెంగాలు, పంజాబు పెద్దలన్ దర్శించి
స్వాతంత్ర్య సంగ్రామ సంగతి గనె _
పస గల్గు ప్రాయమ్ము పణమొడ్డి, ఆంగ్లేయ
ప్రభుత నణచివేయ ప్రతిన బూనె _
వలచిన దానినిన్, వైవాహికాదులన్
వదలి వనాంతర వాసియయ్యె _
గిరిజనావళి నొక గీతపై నిలబెట్టి,
తాను గూడ చేత ధనువు బట్టి,
సైన్య మొకటి జేసి, సమర శంఖము నూది
ఆంగ్ల ప్రభుత గుండె లదరగొట్టె _
” మిరప సందేశము ” ల జైళ్ళ మీద పంపి,
దాడి వార్తల పుట్టించి ” దడ దడ ” లను;
అటులె దండెత్తి, గొనిపోయి ఆయుధముల,
ప్రక్కలో బల్లెమయె నాంగ్ల పాలకులకు _
” చిప్పలు చేతబట్టి ఇట చేయగ వర్తక మేగుదెంచి, మా
తప్పుల కారణాన మము దాసుల జేసియు నేలుచున్న మీ
గొప్పలు చాలునింక ! మిము గొంతులు కొయ్య ! దురాత్ములార ! ఛీ !
కప్పము, పన్నులంచు మము కట్టుమనం గెటు సిగ్గు లేదొకో !
నేలయు మాదే ! పీల్చెడు
గాలియు మాదే ! శరీర కష్ట ఫలితమౌ
కూలియు మాదే ! ఇంకన
దేలా పన్నులును, కప్ప మీవలె మీకున్ ?
పోరా ! ఈ భరతావనిన్ విడిచి పొమ్మం ” చు గర్జించుచున్
పోరాటంబును వీర సింహమయి పెంపుం జేసె ” నల్లూరి ” ; తా
” మే రీతిన్ పడగొట్టుటా యతని ” నం చింగ్లీషువారల్ మహా
ఘోరాలోచనలందు మున్గి రకటా ! క్రూరాత్ములై, ఉగ్రులై !
అంత నొకనాడు …
ఉదయ సంధ్య వేళ ఉద్యమకారుండు
ఇతరు లెరుగనట్టి యేటి లోన
వక్షమందు గల్గు వస్త్రాదులన్ విప్పి
స్నానమాచరింప సాగిపోయె _
కంట బడని ఆ యేటిని
ఒంటరిగా నతడు స్నాన మొనరింపంగన్ _
తుంటరి యొక డెరిగింపగ
కంటకులై చుట్టుముట్టి కాల్చి తుపాకుల్ _
చిట్టడవిని మసక చీకటిన్ తీసిరి
తెల్ల దొరలు దొంగ దెబ్బ నటుల _
తూట్లు పడెను మేను తూటాలు దూరగా _
రాజు దేహమయ్యె రక్త మయము !
” నలుగురు గూడి ఒక్కనిని, నన్ను నిరాయుధు జేసి, ఒంటిగా
జలముల నున్న వేళ నిటు చంపిన చంపితిరేమొ గాని ! ఈ
వెలువడు రక్త బిందువులు విప్లవ మూర్తుల రూపు దాల్చి, మీ
తలలను ద్రుంచి, మా భరత ధారుణి స్వేచ్ఛను బ్రోవకుండునే ! “
అని శపించి కఠిను లాంగ్ల జాతీయులన్;
చిందు రుధిరమంటు చేతులెత్తి,
భారతాంబ కమిత భక్తితో కడసారి
ప్రణతులిడెను దేశ భక్త వరుడు _
” జన్మించితి నీ ఒడిలో _
జన్మము ధన్యంబు నిట్లు జన్మించుటయే !
మున్ముందు నిటులె తల్లీ !
జన్మింపగ నెంతును ప్రతి జన్మము ” ననుచున్ _
భరత మాత కంట బాష్పాలు రాలగా
కనులు తేలవేసి మునిగె నీట _
ఏటిలోన తేలె ఎర్ర తామర పువ్వు !
విప్లవమున కతడు విత్తనమ్ము !
( 4 జూలై 2009 నాడు విప్లవ వీరుడు ” అల్లూరి సీతారామరాజు ” 112 వ జయంతి సందర్భంగా నివాళిగా … )
___***___
అభిప్రాయములు »
మీ ఉద్దేశ్యం…
About
Telugu Poet Dr.Acharya Phaneendra was felicitated by Govt. of Andhra Pradesh with Ugadi Puraskaram in 2004. A Scientist in Nuclear Fuel complex (Dept. of Atomic Energy -Govt. of India) by profession, Dr. Phaneendra has made indelible mark as a progressive poet and proved his talent in all versions of Telugu Poetry, namely Padyam, Geyam and Vachana kavithvam.
Some of his popular poetic works published are :-“Mukunda Satakam”, “Padya Prasunalu”, “Vijaya Vikranti”, “Muddu Gumma”, “Vakyam Rasatmakam”, “Moscow Smritulu”… etc.
He was awarded Ph.D. (doctorate degree) in Telugu by Osmania University for his research work in ‘19th Century Telugu poetry’. He received several awards and felicitations from both Govt. and other cultural associations. He also received a title ‘PADYA KALA PRAVINA’ from VLS Literary and Scientific Foundation, HYD.
Presently he is Vice-President of “ANDHRA PADYA KAVITA SADASSU”, a state-wide organization for propagating “Telugu Padya Kavitwam” and Co-Editor of “SAHITI KOMUDI”, a Quarterly Literary Magazine of the organization.
——————————————————————-
డా.ఆచార్య ఫణీంద్ర రచనలు:
అ] ముద్రితాలు:
౧.ముకుంద శతకం [కంద పద్య కృతి]
౨.కవితా రస గుళికలు [మినీ కవితల సంపుటి]
౩.పద్య ప్రసూనాలు [పద్య కవితా సంపుటి]
౪.విజయ విక్రాంతి [కార్గిల్ యుధ్ధంపై దీర్ఘ కవిత]
౫.ముద్దు గుమ్మ [పద్య కావ్యం]
౬.వాక్యం రసాత్మకం [ఏక వాక్య కవితలు]
౭.మాస్కో స్మృతులు [విదేశ యాత్రా పద్య కావ్యం]
ఆ] అముద్రితాలు:
౮.సీతా హృదయం [గేయ కావ్యం]
౯.వరాహ శతకం [అధిక్షేప వ్యంగ్య కృతి]
౧౦.కులీ కుతుబు కావ్య మధువు [పద్య కృతి]
౧౧.హృద్య పద్యం [వ్యాఖ్యాన గ్రంథం]
౧౨.పందొమ్మిదవ శతాబ్ది తెలుగు కవిత్వంలో నవ్యత
[పిహెచ్.డి.సిధ్ధాంత గ్రంథం]
౧౩.పూజా పుష్పాలు [భక్తి గీతాలు]
౧౪.నీలి కురుల నీడలో [లలిత గీతాలు] మొ||నవి.
——————————————————————-
నా గురించి….
ఇష్ట సఖి అధరమ్ము జూచి మోహింతు-
నికృష్ట జీవుల రుధిరమ్ము గాంచి విలపింతు-
కష్ట సుఖములకు స్పందించి కదలు
ఉత్కృష్టమైన కలము నాది!
- డా. ఆచార్య ఫణీంద్ర
——————————————————————-
*** నా చిరునామా…
Dr.Acharya Phaneendra
102, Srinivasa Arcade,
East Marutinagar, Moula-Ali,
Hyderabad – 500040
Ph.:040-27133328, 9959882963(Res.)
040-27184981, 040-27184515(Off.)
e-mail:dr.acharya_phaneendra@yahoo.com
———————————————————————————————-
నా మరి రెండు బ్లాగులు -
“నండూరి రామకృష్ణమాచార్య సాహిత్య పీఠం”;
“మౌక్తికం” లను తప్పక దర్శించండి.
Blogs Addresses :
1) dracharyaphaneendra.blogspot.com
2) drphaneendra.blogspot.com
-
------------------------------------------------------
widget
-------------------------------------------------------------------------------------------------------------
-----------------------------------------------------
కూడలి: తెలుగు బ్లాగుల సమాహారం
-----------------------------------------------------
-----------------------------------------------------
------------------------------------------------------
-
ఖజానాలు
- నవంబరు 2009 (4)
- అక్టోబర్ 2009 (3)
- సెప్టెంబరు 2009 (12)
- ఆగష్టు 2009 (17)
- జులై 2009 (14)
- జూన్ 2009 (8)
- ఏప్రియల్ 2009 (6)
- మార్చి 2009 (6)
- ఫిబ్రవరి 2009 (11)
- జనవరి 2009 (7)
- డిసెంబరు 2008 (4)
- నవంబరు 2008 (1)
-
వర్గములు:
-
RSS
ఆర్ యస్ యస్ ద్వారాలు
వ్యాఖ్యలు RSS
-
ఎర్ర నెత్తురుని ఉత్తేజభరితం చేసింది మీ ఈ కవిత….జైహింద్1
పద్మార్పిత గారు !
అనేకానేక ధన్యవాదాలు !
జై హింద్ !
respected sir
i have just read your verses of “erra tamara puvvu” which just has given entire episode of revered alluri’s gorilla rebellion in few lines. I am just astonished and amazed of your skill in telling a major episode of arround three decades of alluri’ fight against british in a brief of few verses. i wish i learn the same. i am now out of H.Qrs. i will meet you after i come back. i congratulate you for your successful programme of reciting the poems of mahaprastanam of sri sri.
yours sincerely
seshasailendra
శేష శైలేంద్ర గారికి
అనేకానేక ధన్యవాదాలు !
అంధ్రుల వీరాభిమానానికి తలమానికం మన అల్లూరి. వరద వేగం ఆతని మానసిక బలం. ప్రకృతి వరం ఆతని శౌర్యం. వీర మరణం పొందిన ఆతని జన్మ ధన్యం, ఆతని గాధ అమరం, కారణ జన్మునికి నివాళి మన భాగ్యం. మీరిలా మరిచిపోరాని స్మృతిని తలపుకి తెచ్చినందుకు కృతజ్ఞాతిభివందనలు.
ఉష గారు !
అనేకానేక ధన్యవాదాలండి !